رواية جنة صقر الحلقه 14

يوسف : مالك

صقر : تايه انا مضغوط جدا

يوسف: عشان حكاية هنا

صقر: وجود هنا بيفسد ثقة جنة فيا .والشغل واخد كل وقتي من جنة مش عارف حتي أقعد معاها افهم طبعها او شخصيتها كل االي اعرفه انها بتخاف عليا وبالذات من هنا

يوسف: حاول ترتاح

صقر : ازاي بس

يوسف: مراد عاوز الورق اللي انت هتكسب بيه الصفقة الجاية حاول تخالي هنا تلاقيه

صقر بفهم: قصدك احط قدامها ورق صفقة بس مش للصفقة الجاية وساعتها هو هيعرف انه ورق مش صحيح وهو يتصرف معاها ويبقي كدا قضي علي هنا ووجودها

يوسف بضحك لانه عارف أد اي صقر ذكي : بالضبط

صقر : تمام اتصل علي أحمد

…………….

احمد : ألو

صقر : اهلا ي أحمد حاول تزرع في دماغ مراد النهاردة انه يتصل علي هنا عشان الورق وأنا هتصل علي حد من الخدم في البيت اخليها تحط قدامها ورق صفقة بس صفقة قديمة مش محتاج ورقها وساعتها هنا هتنزل تدور علي الورق بما إن انا مش في البيت وهتروح لمراد عشان تديه الورق وساعتها هيعرف ان الورق كدب وهو هيعاقبها بقي وطبعا متنساش انك اول ما توصل هتفتح التليفون وانت واقف جمبهم بما انك دراع مراد اليمين وأنا أسمع الحوار بينهم

أحمد : تمام هيحصل ونرتاح من هنا عقبال مراد كمان

صقر: قريب ان شاء الله

أحمد: يلا روح نفذ وأنا هنفذ

صقر : ماشي سلام

وبالفعل اغلق الهاتف واتصل علي أحد من الخدم يثق به بأن تضع بعض الأوراق بالمكتب وتتركه مفتوح

ومن جهة اخري

أحمد: اهلا ي مراد بيه

مراد بثقة بأحمد : اهلا ي دراعي اليمين

أحمد : هي لسه هنا مجبتش الورق

مراد : لاء لسه اما نشوف آخرها معاها

أحمد: جالي اخبار ان فهم اليومين الجاين هيعمل صفقة كبيرة جدا بالورق دا فلازم يكون معانا الورق دا النهاردة عشان ندرسه ونقدر نضيع عليه الصفقة وكدا اسم صقر يتمسح من السوق خالص

مراد بإعجاب: طبعا اتصل بهنا حالن

هنا: ألو

مراد : اهلا ي سنيوريته

هنا : في اي

مراد : الورق يكون عندي النهاردة بدون نقاش وأغلق الهاتف وترك هنا حائرة وقررت الهبوط لاسفل ولكن لاحظت ان باب مكتب صقر مفتوح فدخلت وعثرت علي ورق وذهبت لغرفتها فرحة وقررت الذهاب لمراد لتعطيه الورق وينتهي تلك الكابوس الذي يلاحقها

عند صقر في الشركة

صقر ؛ كلها ساعات ي يوسف وتنتهي هنا خالص جالي خبر من البيت انها لقت الورق يلا نروح عشان نشوف اي اللي هيحصل وبمجرد وصول هنا لمراد أحمد هيتصل بيا عشان اسمع الحوار بينهم واقعد انا بقي مرتاح بسمع اللي هيحصل في هنا

يوسف: ايوا هو ممكن يإذي هنا مراد لأنه مفيش حاجة عنده اسمها غلط الغلط بعقاب علي طول …يلا عشان نروح

وبالفعل ذهب كل منهم لبيته وذهبت هنا لمراد

في القصر

كانت تبكي تلك البريئه علي ما فعله صقر بها ودخل صقر وجدها تبكي فحزن عليها وقرر الاعتذار منها ولكن لم يتعود علي الاعتذار وقرب منها

صقر : جنة

جنة ؛؛…….

صقر : انا اسف سامحيني

جنة نظرت له باستغراب لأنها تعودت علي جرحه ولكن لم تتعود علي اعتذاره

جتة: عادي

صقر : مسك ايديها لأول مره اسف والله

جنة وهي تنظر ليديها وهي في يديه: دا حقك وانت جوزي

صقر : بس انا اتعصبت من كلامك

جنة بدموع: عشان انت بتفضلها عني انا عارفه اني مليش مكان عندك بس علي الاقل متجرحش مشاعري .متجرحش خاطري بأفعالك قدامي معاها

صقر: معلش ومتزعليش

جنة عشان قلبها أبيض وطيب : ماشي بس متروحش معاها تاني اي مكان

صقر وهو ينظر إلي تلك الطفلة التي ترضي بكلمة واحدة : حاضر وصدقيني هي مش هتدخل القصر تاني من النهاردة

جنة : هتشتري ليها شقة برا

صقر بضحك: لاء وكاد ان يكمل حديثه ولكن قطع حديثه اتصال أحمد

صقر لجنة : اسمعي كدا معايا

**في ذلك الوقت تقابل مراد واحمد وبعض من رحال مراد مع هنا ( وعلي الجانب الاخر يسمع صقر وهنا حديث هنا ومراد من خلال هاتف أحمد)

هنا : اتفضل الورق

مراد وهو مبسوط: شكرا ي قطة

هنا : فين بقي التسجيل اللي انت مهددني بيه عشان نخلص

مراد وهو بيراجع الورق: طبعا هتاخديه

وبعد دقائق مراد : الورق دا مش صحيح

هنا بقلق: ازاي

مراد : مسكها من شعرها: انتي بتضحكي عليا ي بنت الكلب

هنا بخوف : لاء والله دا الورق اللي لقيته قدامي

مراد : انتي مفكراني عبيط انا هقتلك

هنا : والله معرفش انه مش الورق المطلوب

مراد بغضب: انتي كدا ضيعتي عليا وقت وفي الاخر مجبتيش اللي مطلوب منك

ثم اكمل بسخريه: يعني واحدة رخيصة وكدابة وقاتلة كمان

تفتكري هيحصل اي لما صقر يعرف انك اللي قتلتي حبيبته الاولي ويعرف انك اللي رميتي واحد في طريقها عشان يوقعها في حبه ويخليه ياخدها الشقة وتبعتي انتي والشخص دا الموقع ليه ويجي صقر يشوف بعينه حبيبته مع عشقها في السرير وبعدين يمشي وتقومي انتي اللي مدبرة قتلها ….افتكر ان كفاية بقي لحد كدا

هنا بخوف : هتعمل اي

مراد : اللي بيضحك علي مراد مرة بيموته مرته

هنا برعب: بس انا معرفش والله انه ورق مش صحيح و ……ولكن لم تكمل حديثها واذا بطلقه اخترقت جسدها

وذهب مراد هو وأحمد بعدما اغلق الخط وهو يفكر ما الذي سيفعله صقر عندما سمع بهذه الحقيقه..

وأمر مراد رجالة بدفن هنا لكي لا يعثر علي جثتها مخلوق

في الجانب الاخر

صقر وهو بيتنفس بصعوبة : ليه ي ولاد الكلب عملت انا أي ليكوا ليه تفضلوا معيشيني في كابوس مش قادر اطلع منه

جنة وهي بجانبه مصدومه من الذي فعلته هنا بحبيبته السابقة

صقر : بدأ يكسر في كل حاجة قدامه وجنة خايفه تقرب ليه وهو بيبكي ومش شايف قصاده

جنة جريت عليه : صقر لو سمحت اهدي

صقر بينظر ليها والدموع في عينه: انا تعبت ي جنة اوي

بمجرد ما قال ذلك ضمت جنة صقر بين ضلوعها وهو صدق ان وجد أحد يحتويه

جنة وهي بتطبطب عليه: معلش دا ماضي وخلص ي صقر هما بيستغلوا دا عشان يدمرولك حياتك .وانت اشطر منهم في مجالك عشان كدا بيحاربوك بالماضي بتاعتك

صقر: كنت بحبها ي جنة كانت أول حب

جنة بوجع عليه: ربنا هيعوضك

“إن كانت لك حاجة وليس لك قدرة، فإن لك ربًا له قدرة وليس له حاجة.”

وفي تلك اللحظة هدأ صوت صقر عرفت جنة انه قد نام من شدة البكاء والصدمة والتعب

في الفجر

استيقظت جنة لتصلي صلاة الفجر وأخذت تدعو لصقر إلا إذا حدث شئ لم يتوقعه أحد

فما هو؟؟،

يتبع

رواية-جنة-صقر-الحلقه-14

Marwa mosa

رواية جنة صقر الحلقه 14